தமிழர் என்ற அடையாளம் பிறப்பு

நாங்கள் இந்தியர்கள் அல்ல , நாங்கள் தமிழர்கள் , இதுதான் எங்களுடைய காலம் காலமான தொன்மையான உண்மை அடையாளம் என்று மலேசியா நாம் தமிழர் இயக்க தலைமை ஒருங்கிணைப்பாளர் மு.அ. கலைமுகிலன் தெரிவித்தார்.

இந்தியர் என்றால் என்ன ? அதன் கலாச்சாரமும் பண்பாடும்  என்ன ? அதன் தாய்மொழி என்ன ? அதன் வழிபாடுகள் என்ன ? என்று கேள்விகனைகளை நாமே கேட்டாலே , ”இந்தியர்” என்பது அர்த்தமற்றது என தெளிவாக புரிய வரும் என்றார் அவர்.

வெறும் 500 ஆண்டுகளுக்கு முன்னாள் வெள்ளைக்காரன் ஒருங்கிணைந்த மாநிலங்களை ஆட்சி செய்து அதை இந்தியா என்று பெயரிட்டதும் அவனே என்பது உலக வரலாறு.

சுமார் 50,000 ஆண்டுகளுக்கு முன்னாள் தோன்றப்பட்ட மூத்த இனம் தமிழர் இனம். தமிழரின் முத்த 10,000 ஆண்டுகளுக்கு பழமை இலக்கிய இலக்கண  நூலில் முதல் பாயிரத்திலே ”தமிழ்” என்று குறிப்பிட்டிருப்பது நாம் தமிழர் என்பது விளங்கி கொள்ளலாம் என்றார் கலைமுகிலன்.

இதே எல்லாம் நாம் தமிழர் என்பதற்க்கான சான்றுகள், வரலாறுகள். சில ஆண்டுகளுக்கு முன்னால் நடந்த தவரான புரிதலால் நாம் இந்தியர் என்று அடையாளபடுத்த பட்டு வருகிறோம். ஆனால் இப்போது  இளைய தலைமுறையினர்கள் நம் இனத்தின் அடையாளத்தை தெளிவாக புரிந்து வருகிறார்கள்.

மேலும் , தமிழர் என்ற இனம் வெறும் நேற்று தோன்றிய இனம் அல்ல , அது ஒரு தேசிய இனம் சுமார் 75 நாடுகளில் 12 கோடி தமிழர்கள் வாழ்ந்து வருகிறோம். கணக்கெடுப்பில் பார்த்தால் 10 வது பெரிய இனமாக இருக்க வேண்டிய அங்கிகாரம் கொண்டவை ஆனால் அதற்கு தனி நாடு இல்லாமல் இருப்பதால் அந்த 10 வது என்ற அங்கிகாரம் இல்லாமல் இருக்கிறோம்.

தமிழர்க்கென்று பண்பாடு , கலை கலாச்சாரம் , மொழி , விழாக்கள் , வழிபாடுகள் , பாரம்பரிய விளையாட்டுகள் மற்றும் தனி குணமும் உண்டு என்று நாம் தமிழர் இயக்கத்தின் தலைமை ஒருங்கிணைபாளரான கலைமுகிலன் வலியுறுத்தினார்.

மேலும் சொல்ல போனால் நம்முடைய உறவுகளாக இருக்கும் தெலுங்கர்கர்களும் கன்னடர்களும்  ஏறக்குறைய 1,000 ஆண்டுகளுக்கு முன்னாள் தமிழர்களே , அது போலே மலையாளி உறவுகளும் 500 ஆண்டுகளுக்கு முன்னாள் தமிழர்களே.

இப்படி இதுபோன்று  தமிழர் இனத்திலிருந்து பிரிந்து இன்று சிறு சிறு இனமாக இருக்கும் பல இனங்களின் மொழியுக்கு தாய்மொழி தமிழ் மொழி ஆகும். ஆகையினால் இது தொடர்பாக உள்துறை அமைச்சுக்கு நாம் தமிழர் இயக்கம் ஆவணங்களை தயார்படுத்தி வழங்க உள்ளது.

மலேசியா தமிழர்களும் அவர் அவர் குழந்தைகளின் பிறப்பு பத்திரத்தில் ”தமிழர்” அல்லது ”தமிழ்” போடுமாறு கேட்டு கொண்டது. பிறப்பு பத்திரத்தில் தமிழ் என்று எழுதும் வசதி பல ஆண்டுகளாகவே உள்ளது. இருப்பினும் இந்த கோரிக்கை தமிழர் என்ற இனத்திற்கு அங்கிகாரம் வேண்டி கொடுக்கபட்வுள்ளது.

அதுமட்டுமின்றி இந்தியர் என்று சொன்னால் ”தமிழர்” , ‘மலையாளி ‘, ‘தெலுங்கர்’ ஒன்று படுத்துவற்றக்கான ஒற்றுமைகள் ஏதும் இல்லை ,ஆனால் தமிழ் என்று சொன்னால் இந்த மூன்று இனங்களுக்கிடையே ஒற்றுமையை கொண்டு வரலாம்.

முதலாவது மூன்று இனங்களும் தமிழ் மொழியை பயன்படுத்துகிறார்கள் மற்றுமொன்று இந்த சிறு சிறு இனங்கள் தமிழ் மொழியிலிருந்து பிரிந்து போனவை என்பதால், தமிழர்  தமிழ் மொழி குடும்பம் என்று ஒன்று படுத்தலாம் என்றார் அவர்.

இது தொடர்பாக ஆழமான  செய்திகள் தெரிந்து கொள்ளவோ அல்லது  அரசுக்கு விண்ணப்பம் கொடுபதற்க்கு ஆதரவு வழங்கவோ 0135227795 என்ற எண்ணில் தொடர்பு கொள்ளலாம். மின்அஞ்சல்: malaysianaamtamilar@gmail.com

Read More

நாம் தமிழர் குவைத் நேற்றும் கையெழுத்து வேட்டையை தொடர்ந்தனர்

ஸ்ரீலங்கா அரசால் தமிழீழத்தில் காலங்காலமாக மேற்கொள்ளப்பட்டு வரும் இனவழிப்புக்கு நீதி கேட்டு ஶ்ரீலங்கா அரசை சர்வதேச குற்றவாளிகள் நீதிமன்றத்தில் நிறுத்த உலக அரங்கில் தமிழ் பேசும் மக்களால் மேற்கொள்ளப்பட்டு வரும் கையெழுத்து போராட்டம் முழுவீச்சில் இடம்பெற்று வருகிறது இதில் குவைத் வாழ் தமிழ்மாறன் ரமேஷ், பொறியாளர் க.முருகேசன், கேசவன், கவாஸ்கர், குமார் மற்றும் அன்பு அனைவரும் சேர்ந்து கையெழுத்தைப் (21-05-2015)  நேற்றும்  அனைத்து குவைத் வாழ் மக்களிடமும் கையெழுத்தை பெற்றார்கள். தங்களுடைய வேலைப்பளுக்களுக்கு மத்தியில் இவர்கள் தமிழின அழிப்புக்கு நீதி வேண்டிய கையெழுத்து போராட்டத்தை மேற்கொண்டு வருகிறார்கள். அவர்களுடைய கையெழுத்து வேட்டை தெடர்ந்து மேற்கொள்ளப்படும் என்று விவசாயி இணையத்துக்கு தமிழ்மாறன் அவர்கள் தெரிவித்தார்.

http://www.tgte-icc.org/

Read More

நாம் தமிழர் குவைத் மண்டலம் ஶ்ரீலங்காவுக்கு எதிரான கையெழுத்துபோராட்டத்தைவீச்சாக்கியுள்ளது

சிறிலங்கா அரசு தமிழ் மக்களுக்கு எதிராக இழைத்த போர்க்குற்றங்கள், மனித இனத்திற்கு எதிரான குற்றங்கள், மற்றும் இனப்படுகொலை ஆகியன தொடர்பில் சிறிலங்காவை சர்வதேசக் குற்றவியல் நீதிமன்றத்தின் முன்பு நிறுத்துமாறு, அல்லது அதுபோன்ற ஒரு நம்பகமான சர்வதேச விசாரணைப் பொறிமுறை ஒன்றினை நிறுவுமாறு, தமிழீழ நாடுகடந்த அரசினால் மேற்கொள்ளப்பட்டுவரும் கையெழுத்து பெறும் போராட்டத்தில் உலகெங்கும் பரந்து வாழும் தமிழர்கள் தமது பங்களிப்பை செய்து வருகிறார்கள் இன்று நாம் குவைத் மண்டலம் சார்பில் கையெழுத்து பெறும் நடவடிக்கையை மேற்கொண்டுள்ளார்கள் 

www.tgte-icc.org

http://youtu.be/CKjb_NlHQ70

Read More

நடிகர் சங்க விவகாரம்: சரத்குமாருக்கு சீமான் பாராட்டு!

திருச்சி: நடிகர் சங்கத் தலைவர் சரத்குமார் நல்ல உழைப்பாளி. அவர் நிறைய நல்ல காரியங்களை சிறப்பாக சங்கத்திற்காக செய்துள்ளார் என்று பாராட்டியுள்ளார் இயக்குநரும் நாம் தமிழர் கட்சித் தலைவருமான சீமான்.

கடந்த மே 24ஆம் தேதி நாம் தமிழர் கட்சி சார்பில், திருச்சியில் இன எழுச்சி மாநாடு நடைபெற்றது. இந்த மாநாட்டில் இந்திய இறையாண்மைக்கு எதிராக பேசியதாக அக்கட்சியின் ஒருங்கிணைப்பாளர் சீமான் உள்பட 40 பேர் மீது எடமலைப்பட்டி புதூர் காவல்நிலையத்தில் காவல்துறையினர் வழக்கு பதிவு செய்தனர். இந்த வழக்கில் மதுரை உயர் நீதிமன்ற கிளையில் ஜாமீன் பெற்ற சீமான் உள்ளிட்ட 40 பேர், நீதிமன்ற உத்தரவுப்படி திருச்சி நீதிமன்றத்தில் ஆஜராகி கையெழுத்திட்டனர். 

நீதிமன்ற நடவடிக்கைகள் முடிந்து வெளியில் வந்த நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களைச் சந்தித்தார். 

அவரிடம் நடிகர் சங்க தேர்தல் குறித்து கருத்து கேட்டபோது, "தென்னக நடிகர் சங்க தேர்தலை பொறுத்தவரை, முதலாவதாக அந்த சங்கத்தின் பெயரையே மாற்ற வேண்டும். கேரளா, ஆந்திரா, கர்நாடகா போன்ற மாநிலங்களில் தனியாக சங்கங்கள் செயல்படுகிறது. ஆனால் இங்குள்ள சங்கம் மட்டும் தென்னக நடிகர்கள் சங்கம் எனும் பெயரில் உள்ளது.

 மற்ற மாநிலங்களில் தமிழக நடிகர்கள் உறுப்பினர்களாக சேரலாமே ஒழிய தேர்தலில் போட்டியிட முடியாது. தமிழகத்தை பொறுத்தவரை நடிகர் சங்கத்தில் சரத்குமார் நல்ல உழைப்பாளி. அவர் நிறைய நல்ல காரியங்களை சிறப்பாக சங்கத்திற்காக செய்துள்ளார். தற்போது கட்டடம் கட்டுவதில்தான் பிரச்னை. 

மேலும் நாடக நடிகர்களை சங்கத்தில் இருந்து நீக்க நினைப்பது தவறு. காரணம் நாடக நடிகர்களாக இருந்தவர்கள்தான் கொடிகட்டி பறந்த ஊர் இது. உதாரணமாக சிவாஜி, எம்.ஆர்.ராதா உள்ளிட்டவர்களைச் சொல்லலாம். ராதாரவி நாடக நடிகர்கள் மத்தியில் பிரபலமானவர். அந்த ஓட்டு அவருக்கு போகும் என்பதால் நாடக நடிகர்களை நீக்கலாம் என்று சிலர் நினைக்கலாம். அது தவறு," என்றார் சீமான்.

Read More

நெய்வேலி நாம் தமிழர் கட்சியின் சார்பாக உதவியாளர் திரு.சத்யநாராயானா அவர்களிடம் கோரிக்கை மனு கொடுப்பட்டுள்ளது!

 நெய்வேலி நாம் தமிழர் கட்சியின் மாவட்டத்தலைவர் முத்து அசோகன் அவர்கள் தலைமையில் நேற்று (17-06-2016) நெய்வேலி நிலக்கரி நிறுவனத்தலைவவரின் நேர்முக உதவியாளர் திரு.சத்யநாராயானா அவர்களிடம் கட்சியின் சார்பில் கொடுக்கப்பட்ட கோரிக்கை மனு புகைப்படங்கள்.

Read More

அப்பா மணிவண்ணன் நினைவேந்தல் நிகழ்வு சென்னை, தலைமை அலுவலகத்தில் நடந்தது.

இனமான இயக்குனர் அப்பா மணிவண்ணன் நினைவேந்தல் நிகழ்வு 15-06-15 அன்று சென்னை, தலைமை அலுவலகத்தில் நடந்தது. இதில் தலைமை ஒருங்கிணைப்பாளர் செந்தமிழன் சீமான் நினைவெழுச்சியுரை நிகழ்த்தினார். மேலும், இதில் கட்சியின் பொதுச்செயலாளர் சட்டத்தரணி தடா சந்திரசேகர், மாநில ஒருங்கிணைப்பாளர்கள் அன்புத்தென்னரசன், நெல்லை சிவக்குமார், மாநில இளைஞர் பாசறை செயலாளர் வழக்கறிஞர் அறிவுச்செல்வன், மாநில மாணவர் பாசறை ஒருங்கிணைப்பாளர் பேராசிரியர் அருண்குமார் உள்ளிட்டோர் பங்கேற்றனர்.

Read More

திரு.த.மணிவண்ணன் அவர்களின் தந்தை தமிழ்த்திரு.அய்யா கு.தர்மலிங்கம் அவர்களின் படத்திறப்பு நிகழ்வு

எனது அன்பான தாய்த்தமிழ் உறவுகளுக்கு,
வணக்கம் . தயாரிப்பாளருமான திரு.த.மணிவண்ணன் அவர்களின் தந்தை தமிழ்த்திரு.அய்யா கு.தர்மலிங்கம் அவர்களின் படத்திறப்பு நிகழ்வில் (11.6.15)நம் தமிழ் இனத்தின் அடையாளங்களான பெருமைமிகு பெருந்தலைவர்கள் அய்யா நல்லக்கண்ணு ,அய்யா பழ நெடுமாறன்,அய்யா காசி ஆனந்தன்,அண்ணன் சீமான்,அய்யா த வெள்ளையன் ,அய்யா மணியரசன் ,அண்ணன் கோவை கு ராமகிருஷ்ணன்,விடுதலை ராசேந்திரன் ,கி வீரலட்சுமி ,தயாரிப்பாளர் தாணு,கவிஞர் பச்சியப்பன்,அய்யா கி த பச்சையப்பன்,வழக்கறிஞர்.அங்கயற்கண்ணி மற்றும் இயக்குநர்.புகழேந்தி தங்கராஜ் உள்ளிட்டோரோடு பல்லாயிரக்கணக்கான தமிழ் உறவுகள் அஞ்சலி செலுத்தியது   திரு.மணிவண்ணன் அவர்களுக்கும் வாழ்கையில் மறக்க முடியாத நிகழ்வு.

நிகழ்வின் தொடக்கமாக மகிழினி மணிமாறனின் பறை இசையோடு தொடங்கி அப்பா கு.தர்மலிங்கம் அவர்களின் தமிழ்ப்பணிகளை நான் வாழ்க்கை குறிப்புகள் வாசிக்க அய்யா பழ.நெடுமாறன் ,அய்யா நல்லக்கண்ணு அவர்களின் முன்னிலையில் படத்தினை திறந்து வைத்தார் .அய்யா கு தர்மலிங்கம் அவர்களின் வழியில் நின்று தமிழின விடியலுக்காக அயராது உழைத்து கொண்டிருக்கும் திரு த.மணிவண்ணன் அவர்களின் பங்களிப்பை அனைவரும் மனதார பாரட்டியது நெகிழ்விற்குரிய நிகழ்வு.கவிஞர் ஏகாதேசி எழுதி பாடகர் கருணாநிதி பாடிய அப்பாவைப்பற்றிய பாடலான,"அப்பா கைய புடிச்சு நடந்தா....தெரு அழகாக மாறும்" என்கிற பாடல் அனைவரின் கண்களையும் குளமாக்கியது.மொத்தத்தில் அய்யா கு.தர்மலிங்கம் அவர்களின் படத்திறப்பு நிகழ்வு தமிழ்தேசிய எழுச்சியாக கோயம்பேடு காய்கனி அங்காடி வளாகத்தில் நடந்து முடிந்தது.இறுதியாக 250கோயம்பேடு வணிக வளாக தொழிலாளர்களுக்கு வேட்டி சட்டையும்,எண்பது பெண்களுக்கு புடவைகளும் ,1500பேருக்கு அன்னதானமும் வழங்கப்பட்டது.எங்கள் அப்பாவின் தமிழ்ப்பற்று ,தமிழ்ப்பணி என்றும் எங்களை இயக்கும்...எம் தமிழ் இனங்கள் விடுதலை அடையும் வரை...

 அன்போடு
வ.கௌதமன்.

Read More

14-06-15 அன்று குன்னூரில் நடைபெற்ற கலந்தாய்வு கூட்டத்தில் நிறைவேற்றப்பட்ட ‪#‎தீர்மானங்கள்‬:

 நேற்று குன்னூர் மாவட்ட நாம்தமிழர்கட்சியின் கலந்தாய்வு கூட்டம் நடைபெற்றது .  கூட்டத்திற்கு மாவட்ட இணை செயலாளர் தமிழ்தாசன்  தலைமையில்

நிறைவேற்றப்பட்ட தீர்மானம்ங்கள். 

1) கோத்தகிரி பேருந்து நிலையத்தின் உள்ளே மழைகாலத்தில் குடைபிடித்து நிற்க்கவேண்டிய அவல நிலை .சரிசெய்ய முன்வராத கோத்தகிரி பேரூராட்சி நிர்வாகத்தை இக்கூட்டம் வன்மையாக கண்டிக்கிறோம். 

2) அரசு வேலைகள் நடைபாதை அமைத்தல் கட்டிடங்கள் கட்டுவம் ஒப்பந்ததாரர்கள் இலாபநோக்கத்துடன் செயல்படுவதால் .இவர்கள் செய்கின்ற வேலைகள் உறுதிதன்மை இல்லாமல் இருக்கிறது விரைவில் பழுதாகிவிடுகிறது .இவர்கள் செய்தவேலைகளை இவர்களை வைத்தே மறுசீரமைப்பு செய்திட தமிழகஅரசை இக்கூட்டம் கேட்டுக்கொள்கிறது.

3) குன்னூர் கோத்தகிரி பகுதிகளில் தமிழில் பெயர் பலகைகள் வைக்காத நிருவனங்களை கண்டிப்பதோடு .பெயர் பலகைகளில் தமிழை முதன்மை படுத்தவேண்டும் என்று தமிழக அரசு ஆணையை அமுல்படுத்தாத அரசு அலுவலர்களை இக்கூட்டம் வன்மையாக கண்டிக்கிறது. 

4) தாயகம் திரும்பிய தமிழர்களின் வாழ்வாதாரத்திற்க்கு துவங்கிய தமிழக அரசு தேயிலை தோட்டத்தில் பணிபுரியும் தொழிலாளர்களின் படித்த பிள்ளைகளுக்கு உயர்பதவிகளை வழங்கிட தமிழக அரசை இக்கூட்டம் கேட்டுக்கொள்கிறது.

5) தமிழக மக்களின் வாழ்வாதார சுரண்டலான அரசு மது பானக்கூடங்களை உடனடியாக அகற்றிடவும் . எதிர்காலங்களில் மதுவில்லா தமிழகம் உருவாக்கிட பூர்ண மதுவிலக்கை தமிழக அரசு அமல் படுத்த வேண்டும் என்று இக்கூட்டம் கேட்டுக்கொள்கிறது.


இதில் 

இளைஞர் பாசறை மாவட்ட செயலாளர் செந்தமிழ் ராவணன் .
மகளிர் பாசறை மாவட்ட செயலாளர் திலகவதி . 
குன்னூர் மாவட்ட ஒருங்கிணைப்பாளர் சரவணன் 
.குன்னூர்ஒன்றிய செயலாளர் ஐயப்பன் ( எ) வீரப்பன் ஆகியோர் முன்னிலையில் .
சிறப்பு அழைப்பாளராக மாவட்ட செயலாளர் பிரதீப் (எ) தமிழவன் .
மண்டல இணை செயலாளர் ராம் . கலந்துகொண்டனர் . 

Read More

இன்றுடன் 24 ஆண்டுகள் நிறைவு – பேரறிவாளன் பேட்டி!

முன்னாள் பிரதமர் ராஜீவ் காந்தி கொலை வழக்கில் கடந்த 1991ம் ஆண்டு ஜூன் மாதம் 11ஆம் திகதி கைது செய்யப்பட்ட பேரறிவாளன், வேலூர் சிறையில் அடைக்கப்பட்டார். தற்போது சிகிச்சைக்காக அவர் சென்னை புழல் சிறையில் அடைக்கப்பட்டுள்ளார்.

பேரறிவாளனின் வழக்கறிஞர் சிவக்குமார் மூலமாக தனியார் தொலைக்காட்சி ஒன்று, சில கேள்விகளை பேரறிவாளனிடம் முன் வைத்தது. அதற்கு அவர் கடிதம் மூலமாக பதில் அளித்துள்ளார்.

கேள்வி: கடந்த 24 ஆண்டு கால சிறை வாழ்க்கை எப்படி இருந்தது?

பதில்: பெரிய பாதிப்பு இல்லாவிட்டாலும், சின்ன சின்ன பாதிப்புகளுடன் கூடிய மன அழுத்தத்துடன் சிறை வாழ்வை நகர்த்தி வருகிறேன்.

கேள்வி: சிறைக்குள் மருத்துவ சிகிச்சைகள் முறையாக அளிக்கப்படுகிறதா?

பதில்: முறையாக சிகிச்சை அளிக்கப்படுகிறது.

கேள்வி: தமிழக அரசு விடுதலை செய்யும் முயற்சியைத் தடுக்கும் வகையில் மத்திய அரசு உச்சநீதிமன்றத்தில் மேல்முறையீடு சென்றுள்ளதே?

பதில்: வழக்கு விசாரணையின் முடிவு நீதியின் பக்கம் இருக்கும் என நம்புகிறேன். கடந்த காங்கிரஸ் மத்திய அரசு உணர்ச்சி மேலீட்டில் செய்த அதே தவறை தற்போதைய மத்திய அரசு செய்யாது என நம்புகிறேன். மாநில அரசின் உரிமைகள் மதிக்கப்பட வேண்டும்.

கேள்வி: விடுதலை இல்லாமல் சிறைவாழ்க்கை அனுபவித்து வருவதை எப்படி உணர்கிறீர்கள்?

பதில்: 24 ஆண்டுகால இளமையை இழந்திருந்தாலும் நம்பிக்கை தளரவில்லை. சிறை, இழப்பையும் தந்தது. நிறைய கற்றும் தந்தது.

கேள்வி: ராஜீவ்காந்தி கொலை விவகாரம் மற்றும் விசாரணையின் போக்கு அரசியலாக்கப்படுகிறதா?

பதில்: ஆம். அதனால் தான் தியாகராஜன் ஐபிஎஸ் போன்ற அதிகாரிகளே நான் நிரபராதி என கூறிய பின்னரும் எனக்கு விடுதலை, நீதி கிடைக்கவில்லை. இவ்வாறு கூறியுள்ளார்.

Read More

ஒரு வண்டிக் குப்பையை எரிக்க ஒரு தீக்குச்சி போதும்- சீமான் ஆவேசப் பேட்டி.

மே-24 நாம் தமிழர் கட்சியின் இன எழுச்சி அரசியல் மாநாடு. ”இதுகாலம் வரை சாதிக்காக, மதத்துக்காக, இந்திய தேசிய அரசியலுக்காக, திராவிட அரசியலுக்காகத் திரண்ட தமிழன், முதன் முறையாகத் தமிழுக்காகவும் தமிழர்க்காகவும் திரள வேண்டிய இன எழுச்சி அரசியல் மாநாடு இது. தமிழ்த் தேசிய எழுச்சியை உலகுக்கு உரைக்கும் நாளாக – தமிழர் மறுமலர்ச்சித் திருவிழாவாக நம்முடைய மாநாடு அமைய வேண்டும். ஆகஸ்ட் 15 இந்திய சுதந்திர நாள், ஜனவரி 26 குடியரசு நாள் என்பதுபோல் 2015 மே 24 -ஐ தமிழர் இன எழுச்சி அரசியல் நாளாக நாட்காட்டியில் குறித்து வைத்துக்கொண்டு, ஒவ்வொரு தமிழ்ப் பிள்ளைகளும் இனத்தின் எழுச்சிக்குப் படை திரட்டி வரவேண்டும்” என அழைக்கிறார் சீமான். மாநாடு வேலைகளில் தீவிரமாக இருந்த சீமானுடன் ஒரு நேர்காணல்.

” உங்களது ஆவேசப் பேச்சுக்கு அச்சாரம் போட்டது யார்?”
”ஆள் பார்த்து பிறந்த பேச்சல்ல இது. நமக்கென ஆள் இல்லையே என்கிற ஆதங்கத்தில் வெடித்த பேச்சு. ஆரம்பத்தில் பெரியாரிய மேடைகளில் சாதாரணனாகத்தான் பேசிக் கொண்டிருந்தேன். ‘நன்றாகப் பேச வரும்’ என்பதுகூட எனக்கு அப்போது தெரியாது. ஈழப் போர் தீவிரமான சூழலில் தத்தளிப்பு அடங்காமல் தாங்கொணா வேதனையோடு ராமேஸ்வரம் கூட்டத்தில் கதறினேன். துண்டிப்பான பல்லியின் வால் துடிப்பதைப்போல் துண்டாடப்பட்ட நம் சொந்தங்களுக்காக என் வாய் துடித்தது. ‘வரலாற்றுச் சிறப்புமிக்க பேச்சு’ என்றார் அய்யா காசி ஆனந்தன். ‘பேசுகிற போது உன்னுடைய உடல்மொழியைக் கவனித்து வியந்து போனேன்’ என்றார் அப்பா பாலு மகேந்திரா. விடுதலைக்காகப் போராடுகிற ஓர் அடிமையின் குரல் ஆவேசம் கொண்டதாகத்தானே இருக்கும். ஈழ சொந்தங்கள் எல்லா விதத்திலும் நாசமாக்கப்பட்ட வேதனை பொறுக்காமல், நமக்கென யாருமில்லையே என்கிற ஆதங்கம் அடங்காமல், அடிக்கிற போது துடிக்கிற புழுவாகவே ஒவ்வொரு மேடைகளிலும் நிற்கிறேன். இழவு வீட்டு ஒப்பாரியாகவே ஒலிக்கிறது எனது குரல்.”
”உங்களுடைய பேச்சில் நீங்கள் தி.மு.க.வை மட்டுமே திட்டுகிறீர்கள். அ.தி.மு.க.வுக்கு எதிராக நீங்கள் பெரும்பாலும் பேசுவதே இல்லையே?”
”என்னுடைய எல்லா பேச்சையும் கேட்டிருந்தால் இப்படியொரு கேள்வியையே கேட்டிருக்க மாட்டீர்கள். அ.தி.மு.க., தி.மு.க. இரண்டுக்குமான மாற்று நாங்கள்தான் எனச் சொல்லும்போதே புரியவில்லையா நாங்கள் அ.தி.மு.க.வையும் எதிர்க்கிறோம் என்று. கொள்கையிலோ கொள்ளையிலோ இந்த இரண்டு கட்சிகளுக்குமே பெரிய வித்தியாசம் இல்லை. குவார்ட்டருக்கும் கோழி பிரியாணிக்கும் வாக்காளர்களை வளைத்து வைத்திருக்கும் இந்தக் கட்சிகளை அடியோடு வீழ்த்துவதே நாம் தமிழர் கட்சியின் இலக்கு. சம தராசாக இருந்தே தத்துவமற்ற இந்த இரண்டு கட்சிகளையுமே நாங்கள் பார்க்கிறோம். அம்மையார் ஜெயலலிதாவைக் காட்டிலும் அய்யா கலைஞரை நான் அதிகம் திட்டுவதாக உங்களுக்குத் தெரியலாம். அதற்குக் காரணம் இந்த அம்மையாரை ஆட்சிக் கட்டிலுக்குக் கொண்டுவந்ததே அய்யா கலைஞரின் கேடுகெட்ட ஆட்சிதானே…”
”திருச்சி மாநாட்டின் நோக்கம் என்ன?”
”தேர்தல் நெருங்கும் வேளையில் கூட்டணி அச்சாரத்துக்காகப் போடப்படும் வழக்கமான மாநாடு அல்ல இது. இன உணர்வும் மான உணர்வும் கொண்ட ஒவ்வொரு தமிழ்ப் பிள்ளைகளும் கூடி நமக்கான மாற்று அரசியலை முன்னெடுக்கிற முடிவு. அடிபட்டும் மிதிபட்டும் கிடந்த தமிழர்கள் தங்களின் வலிமை திரட்டி ‘பகையே வா’ என நெஞ்சு நிமிர்த்தி நிற்க வேண்டிய நேரம் இது. நாம் தமிழர் கட்சி என்பது கட்சியின் பெயர் அல்ல. அது நம் இனத்தின் பெருமைமிக்க அடையாளம் . நம் இனத்தின் எழுச்சிக்கான அரசியலை முன்னெடுக்கும் தமிழ்த் திருவிழாவே திருச்சி மாநாடு.

இதுகாலம் வரை சாதிக்காக, மதத்துக்காக, இந்திய தேசிய அரசியலுக்காக, திராவிட அரசியலுக்காகத் திரண்ட தமிழன், முதன் முறையாகத் தமிழுக்காகவும் தமிழர்க்காகவும் திரள வேண்டிய இன எழுச்சி அரசியல் மாநாடு இது. தமிழ்த் தேசிய எழுச்சியை உலகுக்கு உரைக்கும் நாளாக – தமிழர் மறுமலர்ச்சித் திருவிழாவாக இந்த மாநாடு அமையும். ஆகஸ்ட் 15 இந்திய சுதந்திர நாள், ஜனவரி 26 குடியரசு நாள் என்பதுபோல் 2015 மே 24 -ஐ தமிழர் இன எழுச்சி அரசியல் நாளாக நிச்சயம் இருக்கும்.

சிங்களத் தாண்டவங்கள் மட்டும் அல்லாது அக்கம்பக்க மாநில அதிகார வெறிக்கும் தமிழர்கள் பலியாகும் பரிதாபக் காலம் இது. அடிபட்டே கிடப்பதற்கு நாம் ஒன்றும் அடிமைக்கூட்டம் அல்ல. ஆண்டாண்டு காலமாக பெரு நிலத்தை ஆண்ட தமிழ் மறவர்களின் வம்சாவழிப் பிள்ளைகள். முறிந்து கிடந்த கிளை, நிமிர்ந்து நிற்கும் நேரம் இது!”

”தனித்துப் போட்டி என்பதில் உறுதியாக இருக்கின்றீர்கள். இது எந்த விதத்தில் சாத்தியமாகும்?”
”சாத்தியத்தில் இருந்து எதுவும் பிறப்பதில்லை. தேவையிலிருந்துதான் பிறக்கிறது. ‘தேவைதான் கண்டுபிடிப்புகளின் தாய்’ என்பார்கள். நல்ல மாற்றத்துக்கான தேவை தமிழகத்துக்கு இப்போது அவசியம். தனித்துப் போட்டி என்பது என் விருப்பம் அல்ல. என் நிலத்தின் விருப்பம். சகிக்க முடியாத ஊழலையும், மோசடிகளையும், சமூகக் கேடுகளையும், பாரபட்சங்களையும், தீவினைகளையும் உருவாக்கியதைத் தவிர, தி.மு.க.வும் அ.தி.மு.க.வும் எதையும் செய்துவிடவில்லை. கடைந்தெடுத்த அயோக்கியத்தனமான அரசியலைக் காணச் சகிக்காமல் ஒவ்வொரு வாக்காளனும் மனதில் கொந்தளிப்போடு ‘மாற்றம் வராதா’ என ஏங்கி அலைகிறான். கலைஞரையும் ஜெயலலிதாவையும் விட்டால் வேறு வழியில்லை என்பது தமிழகத்துக்கு எவ்வளவு பெரிய அவமானம்? தனித்துப் போட்டியிட்டால் பரப்புரை தொடங்கி தேர்தல் முடிவு வரை எத்தகைய இக்கட்டுகளுக்கெல்லாம் நாம் ஆளாகுவோம் என்பது எனக்கும் தெரியும். தற்காலிகத் தோல்விக்கும் பயந்தால் நிரந்தர வெற்றியை என்னால் நினைத்துக்கூடப் பார்க்க முடியாது. நாலைந்து சீட்டுக்காக கூட்டு வைக்கிற குறுகிய கொள்கை கொண்டவர்கள் நாங்கள் அல்ல. பத்து வாக்கு வாங்கினாலும் ஒரு தமிழனுக்குத் தமிழ்ப் பிள்ளைகள் அளித்த வாக்கு அது. ஆட்சி மாற்றத்தை எதிர்பார்த்து நாங்கள் அரசியலுக்கு வரவில்லை. எங்களுக்குத் தேவை அரசியல் மாற்றம். தொடக்கத்திலேயே வெற்றியைக் கண்டுவிட வேண்டும் எனத் துடிப்பவர்கள் அல்ல நாங்கள். தனித்து நின்று தோற்கத் தயார், ஆனால் தரம் கெட்ட ஆட்சிகளை ஏற்கத் தயார் இல்லை. ஒரு வண்டி குப்பையை எரிக்க ஒரு வண்டி தீக்குச்சிகள் தேவை இல்லை. ஒரு தீக்குச்சி போதும்.

Read More

உதயசூரியன், இரட்டைஇலை போன்ற தேர்தல் சின்னங்களை எதிர்த்து வழக்கு– சீமான் அறிவிப்பு.

நாம் தமிழர் கட்சியின் மாநிலப் பொதுக்குழு கூட்டம் 14-06-15 அன்று கூடுவாஞ்சேரி, என்.பி.ஆர்.திருமண அரங்கத்தில் நடைபெற்றது. இதில் தலைமை ஒருங்கிணைப்பாளர் செந்தமிழன் சீமான், 9 தொகுதிகளுக்கான வேட்பாளர்கள் பட்டியலை அறிவித்தார்.

அவை பின்வருமாறு:

நாகர்கோவில் – கா.கலைக்கோட்டுதயம், தமிழன் தொலைக்காட்சி நிறுவனர்

சிவகங்கை – வழக்கறிஞர் எழில்குமரன்
திருவாடனை -வழக்கறிஞர்  ராஜீவ்காந்தி என்கிற அறிவுச்செல்வன்
சோழிங்கநல்லூர் – வழக்கறிஞர் இராசன்
திருப்பத்தூர் – கோட்டைக்குமார், திரைப்படத் தயாரிப்பாளர்
மைலம் – மருத்துவர் விஜயலெட்சுமி
அம்பத்தூர் – அன்புத்தென்னரசன்
கவுண்டம்பாளையம் – இயக்குனர் கார்வண்ணன்
கும்பகோணம்- வழக்கறிஞர் மணி செந்தில்

 

இயற்கெனவே, பேராவூரணி, சிங்காநல்லூர் உள்ளிட்ட சட்டமன்றத்தொகுதிகளுக்கு வேட்பாளர்கள் அறிவிக்கப்பட்டுள்ளார்கள் என்பது குறிப்பிடத்தக்கது.இப்பொதுக்குழுவில் நிறைவேற்றப்பட்ட தீர்மானங்கள்:

தீர்மானம்-1
அடிமைத் தமிழ்த்தேசிய இனத்தின் மொழி மீட்சிக்காகவும், இன உரிமை மீட்சிக்காகவும் மாபெரும் அரசியல் புரட்சியினை முன்னெடுத்து தமிழின வரலாற்றில் முதல் முறையாக இன எழுச்சி அரசியல் மாநாட்டினை இரண்டு இலட்சத்திற்கும் மேலான நம் இன உறவுகளைக் கூட்டி வெற்றிகரமாக நடத்தி முடித்துள்ளோம். மாநாட்டின் மகத்தான வெற்றிக்காக அரும்பாடுபட்டு உழைத்த அனைத்து உறவுகளுக்கும், வியர்வைத்துளியினை உதிரமாக சிந்தி தாங்கள் சிறுகச்சிறுகச் சேர்த்த பொருளை நன்கொடையாக கொடுத்து உதவிய அனைத்து உறவுகளுக்கும் நாம் தமிழர் கட்சி புரட்சிகரமான வாழ்த்துகளையும், நன்றிகளையும் தெரிவித்துக்கொள்கிறது.

தீர்மானம்-2
தமிழ்நாட்டு சிறைக்கூடங்களில் ஆயுள் தண்டனை பெற்று பத்து ஆண்டுகளுக்கு மேலாக வாடுகின்ற சிறைவாசிகளை நன்னடத்தை, உடல்நிலை, வயது போன்ற காரணங்களை கொண்டு சிறைவிதிகளின்படி உடனடியாக விடுதலை செய்ய வலியுறுத்தியும், அகதிகளாக வாழ்வுரிமை தேடி தமிழகம் வந்த ஈழ உறவுகளை எவ்வித விசாரணையுமின்றி சித்திரவதை செய்து தனிமைச்சிறையில் அடைத்து, சிறப்பு முகாம் என்ற பெயரில் நடக்கிற வதை முகாம்களை உடனடியாக மூட வலியுறுத்தியும் வருகிற சூலை 10-ஆம் தேதி சனிக்கிழமை காலை 10 மணிக்கு தமிழகத்தின் முக்கியச்சிறைச்சாலைகளாக உள்ள மதுரை, கோவை, திருச்சி, வேலூர் மற்றும் புழல் ஆகிய நடுவண் சிறைச்சாலைகளை நாம் தமிழர் கட்சி முற்றுகையிடுகிறது. அந்தப் போராட்டத்தில் தாய்த்தமிழ் உறவுகள் பெருமளவில் பங்கெடுக்க வேண்டும் என நாம் தமிழர் கட்சி கேட்டுக்கொள்கிறது.

தீர்மானம்-3
இந்தியத்தேர்தல் நடைமுறை என்பது மிகவும் சனநாயகமற்ற முறையில் உள்ளது. இந்த நடைமுறை ஆண்டாண்டு காலமாக அரசியல் கட்சி நடத்தி வருகிற பெரிய கட்சிகளுக்கு சார்பாக ஒருதலைபட்சமாக உள்ளது. 60 ஆண்டுகாலமாக ஒரே சின்னத்தைப் பயன்படுத்தி தேசிய மற்றும் பெரும்பாலான பிற கட்சிகள் தேர்தலை எதிர்கொள்வதும், புதிதாக சனநாயக உரிமையின்படி தேர்தலில் போட்டியிடுபவர்களுக்கு புதிதாகச்சின்னங்களைக் கொடுத்து தேர்தலில் நிற்கச்சொல்வதும், மிகப்பெரிய சனநாயகப்படுகொலையாகும். சின்னம் ஒதுக்குதல் என்ற நடைமுறையை அறவே நீக்கி மேலைநாடுகளில் உள்ளதுபோல், எண்களையோ, வேட்பாளரின் பெயர் மற்றும் புகைப்படத்தையோ தேர்தல் நடைபெறும் சமயத்தில் மட்டும் கொண்டு வர வேண்டுமென இப்பொதுக்குழு வேண்டிக்கொள்கிறது மற்றும் தேர்தல் சின்னங்களை உடனடியாக நீக்கி உத்தரவிட வேண்டும் என இந்தியத்தேர்தல் ஆணையத்தை வலியுறுத்திக்கொள்வதோடு, இந்த சமநிலையற்ற, சனநாயகத்துக்கு முரணான தன்மையை எதிர்த்து உரிய நீதிமன்றத்தை நாடுவது எனவும் இப்பொதுக்குழு முடிவெடுத்துள்ளது.

தீர்மானம்-4
தமிழர் இன வரலாற்றில் ஒருபோதும் திராவிட, இந்தியத்தேசியக் கட்சிகளோடு தேர்தல் உடன்பாடு இல்லை என்ற நிலைப்பாட்டோடு தனித்துத் தேர்தலை எதிர்கொள்ள இன எழுச்சி அரசியல் பெரும்பயணத்தை நாம் தொடங்கத் திட்டமிட்டுள்ளோம். ‘பணநாயகத்தை வீழ்த்தி சனநாயகம் காப்போம்’, ‘எமது அதிகாரம் மக்களுக்கானது’. ஊழல், இலஞ்சம், பசி, பட்டினி, கொலை, கொள்ளை, பாலியல் வன்கொடுமை, பண்பாட்டு சீரழிவு, பெண்ணடிமை, மொழிச் சிதைவு, சாதிய இழிவு, தீண்டாமை, சுரண்டல், அடக்குமுறை, ஒடுக்குமுறை, மது, வர்க்க வேறுபாடு இவைகள் எதுவுமற்ற முழுமையான உண்மையான, நேர்மையான மக்களாட்சி அமைக்க, நிலவளம், நீர்வளம், காட்டு வளம், மலை வளம், கடல் வளம், கனிம வளம் காக்க, கல்வி, மருத்துவம், குடிநீர் ஆகியவற்றை இலவசமாக பொதுமையில் வைக்க, தாய்மொழி கல்வி போற்ற, பொருளாதார, அரசியல், சமூக நீதி ஆகியவற்றைக் காத்திட, மாற்று அரசியலை முன்வைத்து, ‘மக்களிலிருந்து நாங்கள் மக்களுக்காகவே நாங்கள்’. ‘இந்த மண்ணை, மக்களைக் காக்க வானத்திலிருந்து வந்தவர்கள் இல்லை! உங்கள் வயிற்றிலிருந்து வந்த பிள்ளைகள்’ என்பதனை உணர்ந்த எமது மக்களைச் சந்திக்க வருகிற ஆகஸ்ட், செப்டம்பர், அக்டோபர் ஆகிய 3 மாதங்களில் இன எழுச்சி அரசியல் பெரும்பயணத்தை லட்சிய உறுதியோடு தொடங்கிறோம் என்பதை இப்பொதுக்குழு பெருமையுடன் அறிவிக்கிறது. ‘2016-இல் உருவாக்குவோம் புதிய அரசியல் வரலாறு’ என்ற உயரிய நோக்கத்தோடு நாம் தமிழர் கட்சி வருகிற சட்டமன்றத்தேர்தலை எதிர்கொள்கிறது. இது மாற்றத்திற்கான எளிய மக்களின் புரட்சி. திராவிட, இந்தியத் தேசியக் கட்சிகளுக்கோ இது மற்றுமொரு தேர்தல். மாற்றத்தை எதிர்நோக்கி படைதிரட்டி நிற்கும் நாம் தமிழர் கட்சிக்கோ இது போர்க்களம் என இந்தப்பொதுக்குழு பிரகடனம் செய்கிறது.

Read More

பொதுக்குழுவில் 9 தொகுதிகளுக்கு வேட்பாளர் பட்டியல் அறிவிக்கப்பட்டது.

நாம் தமிழர் கட்சியின் மாநிலப் பொதுக்குழு கூட்டம் 14-06-15 அன்று கூடுவாஞ்சேரி, என்.பி.ஆர்.திருமண அரங்கத்தில் நடைபெற்றது.இதில் தலைமை ஒருங்கிணைப்பாளர் செந்தமிழன் சீமான், 9 தொகுதிகளுக்கான வேட்பாளர்கள் பட்டியலை அறிவித்தார்.

அவை பின்வருமாறு:

நாகர்கோவில் – கா.கலைக்கோட்டுதயம், தமிழன் தொலைக்காட்சி நிறுவனர்
சிவகங்கை – வழக்கறிஞர் எழில்குமரன்
திருவாடனை -வழக்கறிஞர் ராஜீவ்காந்தி என்கிற அறிவுச்செல்வன்
சோழிங்கநல்லூர் – வழக்கறிஞர் இராசன்
திருப்பத்தூர் – கோட்டைக்குமார், திரைப்படத் தயாரிப்பாளர்
மைலம் – மருத்துவர் விஜயலெட்சுமி
அம்பத்தூர் – அன்புத்தென்னரசன்
கவுண்டம்பாளையம் – இயக்குனர் கார்வண்ணன்
கும்பகோணம்- வழக்கறிஞர் மணி செந்தில்

இயற்கெனவே, பேராவூரணி தொகுதிக்கு திலீபன் அவர்களும், சிங்காநல்லூர் தொகுதிக்கு பேராசிரியர் கல்யாணசுந்தரம் அவர்களும்வேட்பாளர்களாக அறிவிக்கப்பட்டுள்ளார்கள் என்பது குறிப்பிடத்தக்கது.

Read More

நாம் தமிழர் கட்சியின் மாநிலப் பொதுக்குழுக்கூட்டம் கூடுவாஞ்சேரியில் நடந்தது.

நாம் தமிழர் கட்சியின் மாநிலப் பொதுக்குழு கூட்டம் 14-06-15 அன்று கூடுவாஞ்சேரி, என்.பி.ஆர்.திருமண அரங்கத்தில் நடைபெற்றது.

இப்பொதுக்குழுவில் நிறைவேற்றப்பட்ட தீர்மானங்கள் பின்வருமாறு:

தீர்மானம்-1
அடிமைத் தமிழ்த்தேசிய இனத்தின் மொழி மீட்சிக்காகவும், இன உரிமை மீட்சிக்காகவும் மாபெரும் அரசியல் புரட்சியினை முன்னெடுத்து தமிழின வரலாற்றில் முதல் முறையாக இன எழுச்சி அரசியல் மாநாட்டினை இரண்டு இலட்சத்திற்கும் மேலான நம் இன உறவுகளைக் கூட்டி வெற்றிகரமாக நடத்தி முடித்துள்ளோம். மாநாட்டின் மகத்தான வெற்றிக்காக அரும்பாடுபட்டு உழைத்த அனைத்து உறவுகளுக்கும், வியர்வைத்துளியினை உதிரமாக சிந்தி தாங்கள் சிறுகச்சிறுகச் சேர்த்த பொருளை நன்கொடையாக கொடுத்து உதவிய அனைத்து உறவுகளுக்கும் நாம் தமிழர் கட்சி புரட்சிகரமான வாழ்த்துகளையும், நன்றிகளையும் தெரிவித்துக்கொள்கிறது.

தீர்மானம்-2
தமிழ்நாட்டு சிறைக்கூடங்களில் ஆயுள் தண்டனை பெற்று பத்து ஆண்டுகளுக்கு மேலாக வாடுகின்ற சிறைவாசிகளை நன்னடத்தை, உடல்நிலை, வயது போன்ற காரணங்களை கொண்டு சிறைவிதிகளின்படி உடனடியாக விடுதலை செய்ய வலியுறுத்தியும், அகதிகளாக வாழ்வுரிமைத்தேடி தமிழகம் வந்த ஈழ உறவுகளை எவ்வித விசாரணையுமின்றி சித்திரவதை செய்து தனிமைச்சிறையில் அடைத்து, சிறப்பு முகாம் என்ற பெயரில் நடக்கிற வதை முகாம்களை உடனடியாக மூட வலியுறுத்தியும் வருகிற சூலை 10-ஆம் தேதி சனிக்கிழமை காலை 10 மணிக்கு தமிழகத்தின் முக்கியச்சிறைச்சாலைகளாக உள்ள மதுரை, கோவை, திருச்சி, வேலூர் மற்றும் புழல் ஆகிய நடுவண் சிறைச்சாலைகளை நாம் தமிழர் கட்சி முற்றுகையிடுகிறது. அந்தப் போராட்டத்தில் தாய்த்தமிழ் உறவுகள் பெருமளவில் பங்கெடுக்க வேண்டும் என நாம் தமிழர் கட்சி கேட்டுக்கொள்கிறது.

தீர்மானம்-3
இந்தியத்தேர்தல் நடைமுறை என்பது மிகவும் சனநாயகமற்ற முறையில் உள்ளது. இந்த நடைமுறை ஆண்டாண்டு காலமாக அரசியல் கட்சி நடத்தி வருகிற பெரிய கட்சிகளுக்கு சார்பாக ஒருதலைபட்சமாக உள்ளது. 60 ஆண்டுகாலமாக ஒரே சின்னத்தைப் பயன்படுத்தி தேசிய மற்றும் பெரும்பாலான பிற கட்சிகள் தேர்தலை எதிர்கொள்வதும், புதிதாக சனநாயக உரிமையின்படி தேர்தலில் போட்டியிடுபவர்களுக்கு புதிதாகச்சின்னங்களைக் கொடுத்து தேர்தலில் நிற்கச்சொல்வதும், மிகப்பெரிய சனநாயகப்படுகொலையாகும். சின்னம் ஒதுக்குதல் என்ற நடைமுறையை அறவே நீக்கி மேலைநாடுகளில் உள்ளதுபோல், எண்களையோ, வேட்பாளரின் பெயர் மற்றும் புகைப்படத்தையோ தேர்தல் நடைபெறும் சமயத்தில் மட்டும் கொண்டு வர வேண்டுமென இப்பொதுக்குழு வேண்டிக்கொள்கிறது மற்றும் தேர்தல் சின்னங்களை உடனடியாக நீக்கி உத்தரவிட வேண்டும் என இந்தியத்தேர்தல் ஆணையத்தை வலியுறுத்திக்கொள்வதோடு, இந்த சமநிலையற்ற, சனநாயகத்துக்கு முரணான தன்மையை எதிர்த்து உரிய நீதிமன்றத்தை நாடுவது எனவும் இப்பொதுக்குழு முடிவெடுத்துள்ளது.

தீர்மானம்-4
தமிழர் இன வரலாற்றில் ஒருபோதும் திராவிட, இந்தியத்தேசியக் கட்சிகளோடு தேர்தல் உடன்பாடு இல்லை என்ற நிலைப்பாட்டோடு தனித்துத் தேர்தலை எதிர்கொள்ள இன எழுச்சி அரசியல் பெரும்பயணத்தை நாம் தொடங்கத் திட்டமிட்டுள்ளோம். ‘பணநாயகத்தை வீழ்த்தி சனநாயகம் காப்போம்’, ‘எமது அதிகாரம் மக்களுக்கானது’. ஊழல், இலஞ்சம், பசி, பட்டினி, கொலை, கொள்ளை, பாலியல் வன்கொடுமை, பண்பாட்டு சீரழிவு, பெண்ணடிமை, மொழிச் சிதைவு, சாதிய இழிவு, தீண்டாமை, சுரண்டல், அடக்குமுறை, ஒடுக்குமுறை, மது, வர்க்க வேறுபாடு இவைகள் எதுவுமற்ற முழுமையான உண்மையான, நேர்மையான மக்களாட்சி அமைக்க, நிலவளம், நீர்வளம், காட்டு வளம், மலை வளம், கடல் வளம், கனிம வளம் காக்க, கல்வி, மருத்துவம், குடிநீர் ஆகியவற்றை இலவசமாக பொதுமையில் வைக்க, தாய்மொழி கல்வி போற்ற, பொருளாதார, அரசியல், சமூக நீதி ஆகியவற்றைக் காத்திட, மாற்று அரசியலை முன்வைத்து, ‘மக்களிலிருந்து நாங்கள் மக்களுக்காகவே நாங்கள்’. ‘இந்த மண்ணை, மக்களைக் காக்க வானத்திலிருந்து வந்தவர்கள் இல்லை! உங்கள் வயிற்றிலிருந்து வந்த பிள்ளைகள்’ என்பதனை உணர்ந்த எமது மக்களைச் சந்திக்க வருகிற ஆகஸ்ட், செப்டம்பர், அக்டோபர் ஆகிய 3 மாதங்களில் இன எழுச்சி அரசியல் பெரும்பயணத்தை லட்சிய உறுதியோடு தொடங்கிறோம் என்பதை இப்பொதுக்குழு பெருமையுடன் அறிவிக்கிறது. ‘2016-இல் உருவாக்குவோம் புதிய அரசியல் வரலாறு’ என்ற உயரிய நோக்கத்தோடு நாம் தமிழர் கட்சி வருகிற சட்டமன்றத்தேர்தலை எதிர்கொள்கிறது. இது மாற்றத்திற்கான எளிய மக்களின் புரட்சி. திராவிட, இந்தியத் தேசியக் கட்சிகளுக்கோ இது மற்றுமொரு தேர்தல். மாற்றத்தை எதிர்நோக்கி படைதிரட்டி நிற்கும் நாம் தமிழர் கட்சிக்கோ இது போர்க்களம் என இந்த பொதுக்குழு பிரகடனம் செய்கிறது

Read More

அதிமுக வோடு கூட்டணி இல்லை என்று சொன்னதால் சீமான் மீது வழக்குப் போடுவதா? பெ.மணியரசன் கண்டனம்.

நாம் தமிழர் கட்சித் தலைவர் சீமான் மீதும்
40 தோழர்கள் மீதும் போடப்பட்டுள்ள வழக்கு,
அ.இ.அ.தி.மு.க. அரசின் பழிவாங்கும் நடவடிக்கை என்று தமிழ்த் தேசியப் பேரியக்கத் தலைவர்
தோழர் பெ. மணியரசன் கண்டனம் தெரிவித்துள்ளார், அவருடைய அறிக்கையில்…..

நாம் தமிழர் கட்சித் தலைமை ஒருங்கிணைப்பாளர் தோழர் சீமான் மீதும், மற்றும் அக்கட்சித் தோழர்கள் 40 பேர் மீதும் திருச்சி எடமலைப்பட்டி புதூர் காவல் நிலையத்தில், இந்தியத் தண்டனைச் சட்டப்பிரிவு 124A, 143, 153A, 188 ஆகிய பிரிவுகளின் கீழ் வழக்குப் பதிவு செய்துள்ளதாக ஊடகங்களில் செய்தி வந்துள்ளது.

கடந்த மே 24 அன்று, திருச்சியில் நடந்த நாம் தமிழர் கட்சியின் இன எழுச்சி மாநாட்டில் அவர்கள் பேசியதற்காக, இவ்வழக்கு போடப்பட்டுள்ளதாக அச்செய்தியில் கூறப்பட்டுள்ளது. தமிழக அரசின் இந்த சனநாயக விரோத நடவடிக்கைக்கு, தமிழ்த் தேசியப் பேரியக்கம் சார்பில் கண்டனம் தெரிவித்துக் கொள்கிறேன்.

அண்மைக்காலமாக அ.இ.அ.தி.மு.க. அரசு தமிழின உணர்வாளர்கள் மீது தாக்குதல் தொடுக்கும் முடிவெடுத்து, வரிசையாக இவ்வாறு வழக்குகளை போட்டு வருகிறது. ஆர்ப்பாட்டம், மாநாடு போன்ற நிகழ்ச்சிகளுக்கும் அனுமதி மறுத்து வருகிறது.

செண்பகவல்லி அணைக் கோரிக்கைக்காக, 31.05.2015 அன்று திருநெல்வேலி மாவட்டம் – வாசுதேவநல்லூரில் தமிழ்த் தேசியப் பேரியக்கம் சார்பில் நடைபெறவிருந்த ஆர்ப்பாட்டத்திற்கு, கடைசி நேரத்தில், 30.05.2015 அன்று மாலை 4 மணிக்கு அனுமதி மறுத்து கடிதம் கொடுக்கப்பட்டது. அதற்கு முன், திருச்சி – திருவெறும்பூரில், 06.05.2015 அன்று நடைபெறவிருந்த சுற்றுச்சூழல் பாதுகாப்பு மாநாட்டிற்கும் அனுமதி மறுக்கப்பட்டது.
ஆந்திரப் பிரதேசத்தில் 20 தமிழர்களைக் கடத்தி சுட்டுக் கொன்றதற்கு கண்டனச் சுவரொட்டி போட்டதற்காக, இ.த.ச. 153A, TNOPPD (3) பிரிவுகளின்படி, என் மீதும், திருச்சி மாநகரச் செயலாளர் தோழர் கவித்துவன் மீதும் வழக்குப் பதிவு செய்து, தோழர் கவித்துவனை சிறையில் அடைத்தார்கள்.

இப்பொழுது, நாம் தமிழர் கட்சி மாநாட்டில் பேசியதற்காக அக்கட்சி நிறுவனர் மீதும், மற்ற பொறுப்பாளர்கள் மீதும் கடுமையான பிணை மறுப்புப் பிரிவுகளின் கீழ் வழக்குப் பதிவு செய்துள்ளார்கள்.

தோழர் சீமான் பல ஆண்டுகளாக தமிழீழம் சார்ந்தும், தமிழகம் சார்ந்தும் இன உரிமைகள் குறித்து பேசி வரும் பேச்சைத்தான் திருச்சி மாநாட்டிலும் பேசியுள்ளார். அப்பொழுதெல்லாம், அ.இ.அ.தி.மு.க. அரசு அவர் மீது வழக்குப்பதிவு செய்யவில்லை. அ.இ.அ.தி.மு.க. கடந்த நாடாளுமன்றத் தேர்தலிலும், அதற்கு முன் நடந்த சட்டமன்றத் தேர்தலிலும் நாம் தமிழர் கட்சியின் ஆதரவைப் பெற்று, அதன் தேர்தல் பரப்பரைக்கு தோழர் சீமானின் சொற்பொழிவை பயன்படுத்திக் கொண்டது.

திருச்சி மாநாட்டில், அவர் வரும் சட்டப்பேரவைத் தேர்தலில் தி.மு.க.வோடும் அ.இ.அ.தி.மு.க.வுடனும் கூட்டணி இல்லை என பகிரங்கமாக அறிவித்திருக்கிறார். இப்பொழுது இவ்வழக்குகள் போடப்பட்டுள்ளன.
அரசுக்கு எதிராக பகையுணர்ச்சியைத் தூண்டக் கூடிய பேச்சு என்று குற்றம்சாட்டி 124A பிரிவு சேர்க்கப்பட்டிருக்கிறது. அ.இ.அ.தி.மு.க. ஆட்சியை (AIADMK Government) விமர்சிப்பதை அரசைக் (State) கவிழ்க்கக் கூடிய நோக்கம் கொண்டதாகக் கருத முடியாது. ஆட்சி குறித்த விமர்சனங்களையெல்லாம் 124A-வாகக் கருதினால் கருத்துரிமை என்பது கடுகளவும் இருக்காது.

வெள்ளைக்காரன் ஆட்சியில் கொண்டுவரப்பட்ட காலனிய ஆதிக்கத்திற்கு உகந்த எதேச்சாதிகாரப் பிரிவான 124A பிரிவை, விடுதலை பெற்ற இந்தியாவில், தண்டனைச் சட்டத்தில் வைத்திருப்பதே இந்திய அரசமைப்புச் சட்ட விதி 19க்கு நேர் எதிரானதாகும். அது நீக்கப்பட வேண்டிய பிரிவு! அந்தப் பிரிவைப் பயன்படுத்தி, அ.இ.அ.தி.மு.க. அரசு தோழர் சீமான் மீதும் மற்ற தோழர்கள் மீதும் வழக்குப்பதிவு செய்திருப்பது சனநாயக விரோதச் செயலாகும்; பழிவாங்கும் நோக்கம் கொண்டதாகும்.

124A பிரிவைப் போலவே, 153A பிரிவும் இந்திய அரசமைப்புச் சட்டத்திற்கு எதிரானது. வர்ண சாதி ஆதிக்கத்தை பற்றியும், பறிபோகும் தமிழர்கள் உரிமைகள் குறித்தும் பேசினால் கூட, பழிவாங்குவதற்காக இந்த 153A-வை பயன்படுத்த முடியும். ஏனெனில், பல்வேறு மொழி, இன, மத, சமூக மக்களிடையே மோதலை உண்டாக்கும் வகையில் பேசியதாக குற்றம்சாட்டி இந்த 153A பிரிவின் கீழ் வழக்குப் போட முடியும்.
ஒருவர் மத – இன மோதல்களை உண்டாக்கும் வகையில் உண்மையிலேயே ஒருவர் நடந்து கொண்டிருந்தால், அவர் மீது வழக்குப்பதிவு செய்ய இந்தியத் தண்டனைச் சட்டப் பிரிவு 505(2) இருக்கிறது. எனவே, இந்த 153A என்பது அரசியலில் தங்களுக்கு ஆகாதவர்களைப் பழிவாங்குவதற்காகவே பயன்படுத்தப்படுகிறது.
காவல்துறை அனுமதியோடு அமைதியாக நடந்து முடிந்த மாநாடு குறித்து, சட்ட விரோதமாகக் கூடியக் கூட்டம் என்றும் அரசு அதிகாரிகளின் ஆணைக்குக் கட்டுப்படாத நடவடிக்கை என்றும் (143, 188) போட்டிருப்பதும் போலிக் குற்றச்சாட்டுகளே!
அ.இ.அ.தி.மு.க. அரசு அண்மைக்காலமாக தமிழின உணர்வாளர்களை தமிழ்த் தேசிய அமைப்புகளை பழிவாங்கும் நோக்கத்தோடு வழக்குகள் போடுவது, நிகழ்ச்சிகளுக்கு அனுமதி மறுப்பது ஆகிய சனநாயக விரோத நடவடிக்கைகளில் ஈடுபடுவதைக் கைவிட வேண்டும் என்றும் நாம் தமிழர் கட்சித் தலைமை ஒருங்கிணைப்பாளர் தோழர் சீமான் மீதும் மற்றுமுள்ள 40 தோழர்கள் மீதும் போடப்பட்டுள்ள வழக்கைக் கைவிட வேண்டும் என்றும் தமிழ்த் தேசியப் பேரியக்கம் சார்பில் கேட்டுக் கொள்கிறேன்.

இன்னணம்,
பெ.மணியரசன்,
தலைவர், தமிழ்த் தேசியப் பேரியக்கம்.

Read More