1 மில்லியன் கையெழுத்து இயக்கத்துக்கு ஆதரவாக நாம் தமிழர் கட்சித்தலைவர் சீமான் பத்திரிக்கையாளர் சந்திப்பு

அன்பிற்கினிய ஊடக நண்பர்களுக்கு..

தமிழக சிறைகளில் பல்லாண்டுகாலமாக முடிவில்லா சிறைவாசம் அனுபவித்து வரும் ஆயுள்சிறைவாசிகளை அரசு பொது மன்னிப்பில் விடுதலை செய்யவேண்டும்,சிறப்பு முகாம்களை இழுத்து மூடு தமிழீழ அகதிகளை அவர்கள் குடும்பத்துடன் வாழ விடு என்ற கோரிக்கைகளை முன் வைத்து எதிர் வரும் ஜீலை 11ம் தேதி சென்னை, மதுரை, திருச்சி,வேலூர், கோவை ஆகிய சிறை முற்றுகை அறப்போராட்டம் நடைபெறவிருக்கிறது. அப்போராட்டம் குறித்தும்…

ஈழத்தமிழர்களுக்கு எதிரான இனப்படுகொலை, மனித இனத்திற்கு எதிரான குற்றங்கள், போர்க்குற்றங்கள் ஆகியவற்றைச் செய்த குற்றவாளிகளை, சர்வதேசக் குற்றவியல் நீதிமன்றத்தின் முன்பு நிறுத்துமாறு ஐக்கிய நாடுகள் மன்றத்தை வலியுறுத்தி ஒரு மில்லியன் (பத்து இலட்சம்) கையெழுத்து பெரும் முயற்சி உலகம் முழுக்க நடைபெற்று வருகிறது. தமிழகத்திலும் உடனடியாக அனைத்து தமிழர்களும் அதில் பங்கேற்று கையெழுத்திட்டு இலங்கை அரசின் இனப்படுகொலைக்கு நீதி பெற ஐநா மன்றத்தை வலியுறுத்தக்கோரியும்..

பத்திரிக்கையாளர் சந்திப்பு சென்னை பத்திரிக்கையாளர் மன்றத்தில் இன்று (03-07-2015) மாலை 3 மணிக்கு நடைபெறவிருக்கிறது. இதில் ஊடகத்துறையை சேர்ந்த நீங்கள் கலந்துக்கொண்டு செய்தியை மக்களுக்கு கொண்டுசெல்ல வேண்டும் என்று கேட்டுக்கொள்கிறோம்.

இந்த பத்திரிக்கையாளர் சந்திப்பில் கலந்துக்கொள்பவர்கள்

செந்தமிழன் சீமான் – தலைமை ஒருங்கிணைப்பாளர் நாம் தமிழர் கட்சி

K.K.S.M. தெகலான் பாக்கவி – SDPI மாநில தலைவர்

S.S. ஹாரூன் ரசீத் – இணைப் பொதுச்செயலாளர் மனிதநேய மக்கள் கட்சி

கே.எம்.சரீப் – தலைவர் தமிழக மக்கள் ஜனநாயக கட்சி

சே.ஜெ.உமர்கயான் – இன அழிப்புக்கு எதிரான இசுலாமிய இளைஞர் இயக்கம்