மதுவை ஒழிக்க தன்னுயிரை தியாகம் செய்தவர் அய்யா சசிபெருமாள் – செந்தமிழர் சீமான் உருக்கம்

உயிரையும் பொருட்படுத்தாமல் சாவை முன்னிறுத்தி அய்யா சசிபெருமாள் மது ஒழிப்பிற்காக போராடினார் என்று செந்தமிழர் சீமான் உருக்கம் தெரிவித்துள்ளார்.
இது தொடர்பாக தமிழன் தொலைக்காட்சிக்கு அவர் அளித்த சிறப்பு பேட்டியில் பல வழிகளில் மது ஒழிப்பிற்காக போராட்டத்தை முன்னிறுத்திய காந்தியவாதி அய்யா சசிபெருமாள் இன்று மக்களின் உயிரை குடிக்கும் மதுவை ஒழிக்க தன்னுயிரை கொடுத்துள்ளார் என்றும், இந்த ஒரு உயிரை நினைத்தாவது தமிழக அரசு ஒட்டுமொத்த தமிழர்களின் உயிரை காப்பாற்ற மதுக்கடைகளை மூட வேண்டும் என்றும், அய்யாவின் உயிரிழப்பு மது பிரச்சினைக்கு முற்றுப்புள்ளி வைக்கும் என்று நம்புவதாகவும் தெரிவித்த சீமான், இனியும் தமிழக அரசு மதுக்கடைகளை மூடாவிட்டால் மிக பெரிய போராட்டம் வெடிக்கும் என்று தெரிவித்தார்.